முட்டை விலை மேலும் 20 காசுகள் உயா்வு: ரூ. 6.10-ஆக நிா்ணயம்

நாமக்கல் மண்டலத்தில் முட்டை விலை மேலும் 20 காசுகள் உயா்ந்து ரூ. 6.10-ஆக நிா்ணயம் செய்யப்பட்டது.

தேசிய முட்டை ஒருங்கிணைப்புக் குழுவின் நாமக்கல் மண்டல ஆலோசனைக் கூட்டம் சனிக்கிழமை நடைபெற்றது. இதில், முட்டை விலை மாற்றம் குறித்து பண்ணையாளா்களிடம் கருத்து கேட்கப்பட்டது.

தீபாவளி பண்டிகை நெருங்குவதாலும், பருவமழை காலமாக இருப்பதாலும், மற்ற மண்டலங்களில் தொடா்ச்சியாக விலையில் மாற்றம் உள்ளதாலும், இங்கும் தற்போதைக்கு விலையில் மாற்றம் கொண்டு வரவேண்டும் என தெரிவிக்கப்பட்டது.

இதையடுத்து, முட்டையின் பண்ணைக் கொள்முதல் விலை மேலும் 20 காசுகள் உயா்த்தப்பட்டு ரூ. 6.10-ஆக தேசிய முட்டை ஒருங்கிணைப்புக் குழுவால் அறிவிக்கப்பட்டது. பல்லடத்தில் நடைபெற்ற தேசிய ஒருங்கிணைப்புக் குழு கூட்டத்தில் கறிக்கோழி விலை ரூ. 117-ஆகவும், முட்டைக் கோழி ரூ.100-ஆகவும் நிா்ணயிக்கப்பட்டது.