முனியப்பன் கோயில் கும்பாபிஷேகம்

மேட்டூர் அருகே உள்ள மங்கானூர் கோட்டை முனியப்பன் சுவாமி கோயில் மகா கும்பாபிஷேகம் வெள்ளிக்கிழமை நடைபெற்றது.

முன்னதாக வியாழக்கிழமை காலை திப்பம்பட்டி காவிரி ஆற்றிலிருந்து நூற்றுக்கணக்கான பெண்கள் புனிதநீர் எடுத்து வந்தனர். பின்னர் பக்தர்களுக்கு அன்னதானம் வழங்கப்பட்டது. மாலையில் விநாயகர் பூஜை, மகா சங்கல்பம், வாஸ்து பூஜை, யாக பூஜைகள் நடைபெற்று தீபாராதனை நடைபெற்றது.

இதைத்தொடரந்து, வெள்ளிக்கிழமை மங்கள இசை, விநாயகர் பூஜை, இரண்டாம் கால யாக பூஜை, தீபாராதனை நடைபெற்று கோட்டை முனியப்பன் சுவாமி, பரிவார தெய்வங்களுக்கு மகா கும்பாபிஷேகம், சிறப்பு பூஜை நடைபெற்றது. இந்த விழாவில், மங்கானூர், ஆண்டிக்கரை மற்றும் சுற்றுவட்டாரங்களிலிருந்து ஏராளமான பக்தர்கள் கலந்துகொண்டனர்.