காமநாதேஸ்வரர் கோயிலில் தேய்பிறை அஷ்டமி பூஜை

ஆறகளூர் காமநாதேஸ்வரர் கோயிலில்  தேய்பிறை அஷ்டமி பூஜை சனிக்கிழமை நடைபெற்றது.
தலைவாசலை அடுத்துள்ள ஆறகளூரில் பிரசித்தி பெற்ற காமநாதேஸ்வரர் கோயில் உள்ளது. இந்த கோயிலில் அஷ்ட பைரவர்கள் இருப்பதால் சிறப்பு ஸ்தலமாக விளங்குகிறது. இங்கு தேய்பிறை அஷ்டமியையொட்டி சனிக்கிழமை மாலை சிறப்பு ஹோமம்,  நள்ளிரவில் சிறப்பு அபிஷேகம், ஆராதனை நடைபெற்றது. இதில் ஏராளமான பக்தர்கள் கலந்து கொண்டனர்.  ஆத்தூர் மற்றும் தலைவாசலில் இருந்து அரசு போக்குவரத்துக் கழகம் சார்பில் சிறப்பு பேருந்துகள் இயக்கப்பட்டன.