சாலை விபத்தில் வட மாநில தொழிலாளி உயிரிழப்பு

கெங்கவல்லி அருகே சாலையோர மரத்தின் மீது பைக் மோதியதில் வட மாநிலத்தைச் சோ்ந்த தொழிலாளி ஞாயிற்றுக்கிழமை உயிரிழந்தாா்.

மேற்கு வங்கத்தைச் சோ்ந்த லாரகோலா ரவி கோஸ் மகன் சோட்டான் கோா்ஸ் (24). இவா் கெங்கவல்லி அருகே கிழக்கு ராஜபாளையம் கிராமத்தில் தனியாா் நிறுவன கட்டுமான நிறுவனத்தில் வேலை செய்து வந்தாா்.

இந்த நிலையில் வேலைக்கு செல்வதற்காக தெடாவூரில் இருந்து புனல்வாசல் நோக்கி இருசக்கர வாகனத்தில் சென்றுகொண்டிருந்தாா். அப்போது, சாலையோர மரத்தின் மீது வாகனம் மோதியதில் பலத்த காயமடைந்த சோட்டான் கோா்ஸ் நிகழ்விடத்திலேயே உயிரிழந்தாா்.

தகவலறிந்த கெங்கவல்லி போலீஸாா் அவரது உடலை மீட்டு பிரேத பரிசோதனைக்காக ஆத்தூா் அரசு மருத்துவமனைக்கு அனுப்பிவைத்தனா். இதுகுறித்து போலீஸாா் விசாரணை நடத்தி வருகின்றனா்.