சேலம் வழியாக பெங்களூரு - திருவனந்தபுரம் இடையே ஓணம் சிறப்பு ரயில் இயக்கம்

பெங்களூரில் இருந்து சேலம் வழியாக திருவனந்தபுரத்துக்கு ஓணம் சிறப்பு ரயில் இயக்கப்படும் என அறிவிக்கப்பட்டுள்ளது.

இதுகுறித்து தெற்கு ரயில்வே சேலம் கோட்டம் சாா்பில் வெளியிடப்பட்ட செய்திக் குறிப்பு: ஓணம் பண்டிகையையொட்டி அதிகரித்து வரும் கூட்ட நெரிசலைக் கருத்தில் கொண்டு, எஸ்எம்விடி பெங்களூரு - திருவனந்தபுரம் வடக்கு இடையே சிறப்பு ரயில்கள் இயக்கப்படுகின்றன.

அந்தவகையில், பெங்களூரு கன்டோன்மென்ட்டில் இருந்து வரும் 28 ஆம் தேதி சிறப்பு ரயில் இயக்கப்படும். பெங்களூரு கன்டோன்மென்ட் ரயில் நிலையத்திருந்து மாலை 4.40 மணிக்கு புறப்படும் இந்த ரயில், கிருஷ்ணராஜபுரம், பங்காருபேட்டை, குப்பம், சேலம், ஈரோடு, திருப்பூா், திருச்சூா், எா்ணாகுளம், கோட்டயம், கொல்லம் வழியாக மறுநாள் காலை 10.30 மணிக்கு திருவனந்தபுரம் வடக்கு ரயில் நிலையம் அடையும்.

மறுமாா்க்கத்தில், திருவனந்தபுரம் வடக்கு ரயில் நிலையத்தில் வரும் 29 ஆம் தேதி சிறப்பு ரயில் இயக்கப்படும். திருவனந்தபுரம் வடக்கு ரயில் நிலையத்தில் இருந்து பிற்பகல் 12.40 மணிக்கு புறப்படும் இந்த ரயில், கொல்லம், கோட்டயம், எா்ணாகுளம், திருச்சூா், திருப்பூா், ஈரோடு, சேலம் வழியாக மறுநாள் காலை 5.15 மணிக்கு பெங்களூரு கன்டோன்மென்ட் ரயில் நிலையம் சென்றடையும் என தெரிவிக்கப்பட்டுள்ளது.