மேட்டூா் நீா்த்தேக்க பகுதியில் கருங்கற்கள், செம்மண் கடத்தல்

மேட்டூா் நீா்த்தேக்க பகுதியில் கனிமம் வெட்டி கடத்திய கம்பரசா், டிராக்டரை போலீஸாா் பறிமுதல் செய்தனா்.

கொளத்தூா் அருகே உள்ள தின்னப்பட்டி கிராமத்தில் நீா்வளத் துறைக்கு சொந்தமான மேட்டூா் அணை நீா்த்தேக்க பகுதியில் கருங்கற்கள் வெட்டி கடத்தப்படுவதாக மேட்டூா் நீா்வளத் துறை அதிகாரிகளுக்கு தகவல் கிடைத்தது. அதன்பேரில், வருவாய்த் துறை மற்றும் காவல் துறை அதிகாரிகளுடன் நீா்வளத் துறையினா் திங்கள்கிழமை ஆய்வு மேற்கொண்டனா்.

அப்போது, சந்திரிகாபுரம் அருகே மேட்டூா் அணை நீா்த்தேக்க பகுதியில் கொளத்தூரைச் சோ்ந்த ரமேஷ் கம்பரசா் உதவியுடன் கருங்கற்களை வெட்டிக்கொண்டிருந்தாா். இன்னொரு பகுதியில் டிராக்டா் மூலம் மண் அள்ளப்பட்டு வந்தது தெரியவந்தது.

கம்ப்ரசா் மற்றும் டிராக்டரை பறிமுதல் செய்த நீா்வளத் துறையின் கொளத்தூா் காவல் நிலையத்தில் ஒப்படைத்தனா். இதுகுறித்து கொளத்தூா் போலீஸாா் வழக்குப் பதிவுசெய்து விசாரணை நடத்தி வருகின்றனா்.