சங்ககிரி வட்டாட்சியா் பணியிட மாற்றம்

சங்ககிரி கோட்டாட்சியரின் நோ்முக உதவியாளா், சங்ககிரி வட்டாட்சியா் ஆகியோரை பணியிட மாற்றம் செய்து ஆட்சியா் க.இளம்பகவத் வெள்ளிக்கிழமை உத்தரவிட்டுள்ளாா்.

அதன்படி, சங்ககிரி கோட்டாட்சியரின் நோ்முக உதவியாளா் பி.ஜெயக்குமாரை எடப்பாடி வட்டாட்சியராகவும், சேலம், சந்தியூா் மதுபானக் கிடங்கு (சில்லரை விற்பனை) உதவி மேலாளா் வி.சரவணகுமாரை சங்ககிரி கோட்டாட்சியரின் நோ்முக உதவியாளராகவும், சங்ககிரி வட்டாட்சியா் கே.கோமதியை ஆட்டையாம்பட்டி, சந்தியூா் தமிழ்நாடு மாநில வாணிபக் கழக கிடங்கு மேலாளராகவும், காடையாம்பட்டி தனி வட்டாட்சியராக பணியாற்றி வந்த (சமூக நலத் துறை) சி.ராஜமாணிக்கத்தை சங்ககிரி வட்டாட்சியராகவும் பணியிட மாற்றம் செய்து உத்தரவிட்டுள்ளாா்.