பழனி அருகே ஆலங்கட்டி மழை

பழனி அருகேயுள்ள பாலசமுத்திரப் பகுதியில் சனிக்கிழமை ஆலங்கட்டி மழை பெய்தது.

பழனியைச் சுற்றியுள்ள மடத்துக்குளம், தேக்கன்தோட்டம், கொடைக்கானல் மலையடிவாரப் பகுதிகளில் கடந்த சில தினங்களாக மழை பெய்ததால், குளிர்ந்த சூழல் நிலவி வந்தது. ஆனால், பழனியில் வெயில் சுட்டெரித்தது.தொப்பம்பட்டி, அமரபூண்டி பகுதிகளில் நிலத்தடி நீர் வெகுவாக குறைந்து, விவசாயப் பயிர்கள் வாடின. இந்நிலையில், சனிக்கிழமை மாலை சுமார் 45 நிமிடம் பெய்த மழையால், குளிர்ச்சியான சூழல் நிலவியது. பழனியை அடுத்த பாலசமுத்திரத்தில் ஆலங்கட்டி மழை பெய்தது.

பழனி நகரில் பிரதான சாலைகளில் மழை நீருடன் கழிவுநீர் கலந்து ஓடியது. பேருந்து நிலைய ரவுண்டானா அருகே சாலையில் தேங்கிய நீர் வெளியேற வழியில்லாததால், வாகன ஓட்டிகள் அவதிப்பட்டனர்.