2 புதிய வழித்தடங்களில் பேருந்துச் சேவைகள் தொடக்கம்

நிலக்கோட்டையில் தவெக எம்.எல்.ஏ., ஆா்.அய்யனாா் 2 புதிய வழித்தடங்களில் பேருந்துச் சேவையை சனிக்கிழமை தொடங்கி வைத்தாா். அவா் சுமாா் 2 கி.மீ. தொலைவுக்கு பயணிகளுடன் பேருந்தை ஓட்டிச் சென்றது அப்பகுதியில் பேசுபொருளாகியுள்ளது.

நிலக்கோட்டை பேருந்து நிலையத்தில் சிலுக்குவாா்பட்டி, கொங்கபட்டி, விளாம்பட்டி, மட்டப்பாறை, கல்லடிப்பட்டி வழியாக மதுரை மாவட்டம், வாடிப்பட்டி வரை செல்லும் புதிய பேருந்து சேவையைத் தொடங்கி வைக்கும் நிகழ்ச்சி நடைபெற்றது. முன்னதாக, அரசுப் பேருந்து ஓட்டுநா், நடத்துநருக்கு மரியாதை செலுத்தி வாழ்த்து தெரிவித்த அவா், தொடா்ந்து பயணிகளுடன் பேருந்தை சுமாா் 2 கி.மீ. தொலைவு உள்ள சிலுக்குவாா்பட்டி வரை இயக்கினாா். பின்னா், அவா் பயணச்சீட்டு எடுத்து கிராமங்களுக்குப் பயணம் செய்து பொது மக்களிடம் விழிப்புணா்வு ஏற்படுத்தினாா்.

பின்பு, வத்தலக்குண்டு பேருந்து நிலையத்தில் கண்ணாபட்டி, விராலிபட்டி, பண்ணப்பட்டி வழியாக இயக்கப்படும் புதிய அரசுப் பேருந்துச் சேவையை ஆா். அய்யனாா் எம்.எல்.ஏ., தொடங்கி வைத்தாா். இந்த நிகழ்ச்சியில், அரசுப் போக்குவரத்து கழக அலுவலா்கள், தவெக நிா்வாகிகள், கிராமப் பொதுமக்கள் கலந்து கொண்டனா்.