சமூக வலைதளத்தில் அரிவாளுடன் புகைப்படங்கள் பதிவிட்ட இளைஞா் கைது

சரித்திரப் பதிவேடு குற்றவாளி பெயரில் போலி சமூக வலைதளப் பக்கத்தை உருவாக்கி, அதில் பயங்கர ஆயுதங்களுடன் பொதுமக்களை அச்சுறுத்திய இளைஞரை செம்பட்டி காவல்துறையினா் செவ்வாய்க்கிழமை இரவு கைது செய்தனா்.

திண்டுக்கல் மாவட்டம், செம்பட்டி அருகேயுள்ள சீவல்சரகு பகுதியைச் சோ்த்த சரித்திரப் பதிவேடு குற்றவாளி அலெக்ஸ் பாண்டியன் (23). இவரின் பெயரில் போலியாக சமூக வலைதளத்தில் கணக்கை உருவாக்கி அரிவாள், துப்பாக்கிகள் உள்ளிட்ட பயங்கர ஆயுதங்களுடன் அலெக்ஸ் பாண்டியன் இருப்பதுபோன்று, சமூக வலைதளத்தில் பதிவிட்டது தொடா்பாக செம்பட்டி காவல்துறையினா் விசாரணை மேற்கொண்டு வந்தனா். இந்தச் சம்பவத்தில் ஈடுபட்ட வாடிப்பட்டி அருகேயுள்ள பொம்மன்பட்டியைச் சோ்ந்த மருதுபாண்டி மகன் ஸ்ரீரில்குமாரை (20) கைது செய்து அவரிடமிருந்து பட்டாக் கத்தியைப் பறிமுதல் செய்து விசாரித்து வருகின்றனா்.