பாத்திமா கல்லூரியில் மனநல மேம்பாட்டுப் பயிற்சி

மதுரை பாத்திமா கல்லூரியில் சேவைப் பணியாளா்களின் மன நலன், உணா்வு நலனை மேம்படுத்தும் வகையில் சிறப்புப் பயிற்சி வகுப்பு புதன்கிழமை நடைபெற்றது.

கல்லூரியின் உள்தர உறுதிப்பாட்டு மையம் சாா்பில் நடைபெற்ற நிகழ்வுக்கு மையத்தின் ஒருங்கிணைப்பாளா் எஸ்.ஜே. கலா தலைமை வகித்தாா். கல்லூரி ஆலோசகா் அருள்சகோதரி சவரி புஷ்பா சிறப்பு விருந்தினராகப் பங்கேற்றாா்.

இதில், சேவைப் பணியாளா்களுக்கு மன அமைதி, உணா்வுச் சமநிலை, தன்னலம் பேணுதல் குறித்து ஆலோசனைகள் வழங்கப்பட்டன. மேலும், அன்றாடப் பணிச் சுமைகளுக்கு இடையே மனதை அமைதிப்படுத்திக் கொள்வதன் அவசியம், மன அழுத்தத்தைக் கையாளும் வழிமுறைகள், நிறைவான வாழ்க்கைக்கு அக அமைதியின் முக்கியத்துவம் ஆகியவை குறித்து விளக்கமளிக்கப்பட்டது. இதில், கல்லூரி சேவைப் பணியாளா்கள் பலா் கலந்து கொண்டனா்.

முன்னதாக, உள்தர உறுதிப்பாட்டு மையத்தின் உதவி ஒருங்கிணைப்பாளா் ஆன்சிமா ஜோசப் வரவேற்றாா். கல்லூரி ஆதரவுப் பணியாளா் சூா்யா நன்றி கூறினாா்.