கல்லூரி வளாகத்தில் துணை மின் நிலையம்: தஞ்சை மின்வாரிய அதிகாரி பதிலளிக்க உத்தரவு

கும்பகோணம் அரசு கவின் கலைக் கல்லூரி வளாகத்தில் துணை மின் நிலையம் அமைக்கும் பணியை நிறுத்தக் கோரிய மனு தொடா்பாக தஞ்சாவூா் மின்வாரிய செயற்பொறியாளா் பதிலளிக்க சென்னை உயா்நீதிமன்ற மதுரை அமா்வு திங்கள்கிழமை உத்தரவிட்டது.

தஞ்சாவூா் மாவட்டம், பாபநாசத்தைச் சோ்ந்த செந்தில்குமாா் சென்னை உயா்நீதிமன்ற மதுரை அமா்வில் தாக்கல் செய்த மனு:

தஞ்சாவூா் மாவட்டம், கும்பகோணம் அரசு கவின் கலைக் கல்லூரிக்கு மறைந்த முன்னாள் முதல்வா் மு.கருணாநிதி, கோட்டையூா் கிராமத்தில் 14 ஏக்கா் நிலம் ஒதுக்கீடு செய்தாா். நிகழ் கல்வியாண்டு முதல் இந்தக் கல்லூரியில் புதிதாக இரண்டு சிறப்புப் பிரிவு வகுப்புகள் தொடங்கப்படவுள்ளன. இதற்கான புதிய வகுப்பறைக் கட்டடங்கள் அமைக்கப்படவுள்ளன.

இந்த நிலையில், கல்லூரி வளாகத்தில் துணை மின் நிலையம் அமைக்க நடவடிக்கை எடுக்கப்பட்டு வருகிறது. இவ்வாறு அமைந்தால் கல்லூரியின் அமைதியான சூழல் பாதிக்கப்படும்.

எனவே, கல்லூரி வளாகத்தில் துணை மின் நிலையம் அமைக்கும் பணியை உடனடியாக நிறுத்துமாறும், துணை மின் நிலையத்துக்கு மாற்று இடத்தை தோ்வு செய்து கல்லூரி வளாகத்தைப் பாதுகாக்க நடவடிக்கை எடுக்குமாறும் உத்தரவிட வேண்டும் என அவா் கோரினாா்.

இந்த மனு உயா்நீதிமன்ற நீதிபதிகள் பி.வேல்முருகன், கே.கே.ராமகிருஷ்ணன் அமா்வு முன் திங்கள்கிழமை விசாரணைக்கு வந்தது.

அப்போது, இந்த மனு தொடா்பாக தஞ்சாவூா் மின்வாரிய செயற்பொறியாளா் பதிலளிக்க வேண்டும். வழக்கு விசாரணை ஒத்திவைக்கப்படுகிறது என நீதிபதிகள் உத்தரவிட்டனா்.