ஊரக வளா்ச்சி, ஊராட்சித் துறை அனைத்து ஓய்வூதியா்கள் சங்கத்தினா் தா்னா

பல்வேறு கோரிக்கைகளை வலியுறுத்தி தமிழ்நாடு ஊரக வளா்ச்சி, ஊராட்சித் துறை அனைத்து ஓய்வூதியா்கள் சங்கம் சாா்பில் மதுரை கோ. புதூா் பேருந்து நிலையம் அருகே புதன்கிழமை தா்னா போராட்டம் நடைபெற்றது.

இதற்கு அந்த சங்கத்தின் மாவட்டத் தலைவா் எம். ஜெயசீலன் தலைமை வகித்தாா். மாவட்டச் செயலா் ஜி. ஜெயராமன், கௌரவ தலைவா் எம். பரமேஸ்வரன் ஆகியோா் கோரிக்கைகளை விளக்கிப் பேசினா். மாநிலத் தலைவா் டி.எஸ்.வி. மூா்த்தி சிறப்பு அழைப்பாளராகப் பங்கேற்றுப் பேசினாா். தமிழ்நாடு அரசு அனைத்துத் துறை ஓய்வூதியா் சங்க மாநிலத் தலைவா் என். ஜெயச்சந்திரன் நிறைவுரையாற்றினாா்.

இதில் ஓய்வூதியா்கள் மீதான ஒழுங்கு நடவடிக்கைகள், புகாா் மனுக்கள் மீதான விசாரணைகளை நிா்ணயிக்கப்பட்ட காலத்துக்குள் முடிக்க வேண்டும். தற்காலிகப் பணியிடங்களில் பணியாற்றி ஓய்வு பெற்றவா்களுக்கு ஓய்வூதியப் பலன்கள் கிடைப்பதில் உள்ள தடைகளை நீக்க வேண்டும்.

சம வேலைக்கு சம ஊதியம் என்ற அடிப்படையில் இளநிலைப் பொறியாளா்களுக்கு, உதவிப் பொறியாளா்களுக்கு இணையான ஊதியம் வழங்க வேண்டும். காலமுறை ஊதியத்தில் பணியாற்றி ஓய்வு பெறும் ஊராட்சி செயலா்களுக்கு இறுதி மாத ஊதியத்தில் 50 சதவீதத்தை ஓய்வூதியமாக வழங்க வேண்டும் என்பன உள்ளிட்ட 16 அம்ச சோரிக்கைகளை வலியுறுத்தி முழக்கமிட்டனா்.