லஞ்சம்: மின்வாரிய அலுவலா் கைது

மின் இணைப்பின் பயன்பாட்டுத் திறனை குறைத்துத் தரக் கோரி, விண்ணப்பித்தவரிடம் ரூ.7 ஆயிரம் லஞ்சம் பெற்றதாக மின்வாரிய வணிக ஆய்வாளரை ஊழல் தடுப்பு, கண்காணிப்புப் பிரிவு போலீஸாா் வெள்ளிக்கிழமை கைது செய்தனா்.

மதுரை மாவட்டம், மேலூா் அருகேயுள்ள கருத்தப்புளியம்பட்டியைச் சோ்ந்தவா் ராசு மகன் அறிவழகன் (38). இவா் தனது வீட்டு மின் இணைப்பின் மின் பயன்பாட்டு திறனை 22 கிலோவாட்டிலிருந்து 3 கிலோ வாட்டாகக் குறைக்கக் கோரி, மேலூா் நகா் மின்வாரிய அலுவலகத்தில் விண்ணப்பித்தாா்.

மேலூா் நகர உதவிப் பொறியாளா் அலுவலகத்தில் வணிக ஆய்வாளராகப் பணியாற்றி வந்த ஆனந்த் (48) அந்த விண்ணப்பத்தின் மீது நடவடிக்கை எடுப்பதற்காக, அறிவழகனிடம் ரூ.7 ஆயிரம் லஞ்சம் கேட்டதாகக் கூறப்படுகிறது.

இதுகுறித்து அறிவழகன் அளித்தப் புகாரின் பேரில், ஊழல் தடுப்பு, கண்காணிப்புப் பிரிவு கூடுதல் காவல் கண்காணிப்பாளா் சத்தியசீலன் தலைமையிலான போலீஸாா் மேலூா் மின்வாரிய அலுவலகத்தில் கண்காணிப்பில் ஈடுபட்டனா். அப்போது, மேலூா் மின்வாரிய அலுவலகத்துக்குள் அறிவழகனிடமிருந்து ரூ.7 ஆயிரம் லஞ்சப் பணத்தை ஆனந்த் பெற்றபோது, போலீஸாா் அவரைப் பிடித்து பணத்தைப் பறிமுதல் செய்தனா். மேலும், அவரைக் கைது செய்து விசாரணை நடத்தி வருகின்றனா்.