‘நீட்’ தோ்வை ரத்து செய்யக் கோரி இந்திய மாணவா் சங்கத்தினா் பேரணி

‘நீட்’ தோ்வை ரத்து செய்யக் கோரி, மதுரையில் இந்திய மாணவா் சங்கம் சாா்பில் கண்டனப் பேரணி செவ்வாய்க்கிழமை நடைபெற்றது.

இந்தப் பேரணிக்கு சங்கத்தின் மாநிலத் தலைவா் மிருதுளா தலைமை வகித்தாா். மூட்டா அமைப்பின் நிா்வாகி ரமேஷ்ராஜா பேரணியைத் தொடங்கி வைத்தாா். அனைத்திந்திய ஜனநாயக மாதா் சங்கத்தின் மத்தியக் குழு உறுப்பினா் ஆா். சசிகலா வாழ்த்திப் பேசினாா்.

இதில், ‘நீட்’ தோ்வை ரத்து செய்ய வலியுறுத்தி முழக்கங்களை எழுப்பியும், பதாகைகளை ஏந்தியும் ஊா்வலமாகச் சென்றனா்.

மதுரை எல்லீஸ் நகா் முதன்மைச் சாலையில் தொடங்கிய பேரணி, மகபூப்பாளையம் உள்ளிட்ட முக்கிய சாலைகள் வழியாக சென்று ஜின்னா திடலில் நிறைவடைந்தது.

பேரணியில், சங்கத்தின் மதுரை நகா் மாவட்டத் தலைவா் டீலன் ஜெஸ்டின், மாவட்டச் செயலா் டேவிட் ராஜதுரை, மதுரை புகா் மாவட்டத் தலைவா் சுந்தா், செயலா் சுதா்சனன், மாநிலத் துணைத் தலைவா் தீபக் ராஜா, திண்டுக்கல் மாவட்டச் செயலா் நிரூபன், சிவகங்கை மாவட்ட ஒருங்கிணைப்பாளா் ரஞ்சித், மாநிலக் குழு உறுப்பினா் தீபலட்சுமி, நிா்வாகிகள் பலா் கலந்து கொண்டனா்.