பைக்கில் இருந்து தவறி விழுந்து அரசு அதிகாரி சாவு

கீழக்கரை அருகே பைக்கிலிருந்து தவறி விழுந்த துணை வட்டார வளர்ச்சி அலுவலர் உயிரிழந்தார்.

உச்சிப்புளி அருகே உள்ள கீழநாகாச்சி கிராமத்தை சேர்ந்தவர் தேவி ஜெயந்தி(32). இவர் கடலாடி யூனியன் அலுவலகத்தில் துணை வட்டார வளர்ச்சி அலுவலராக பணிபுரிந்து வந்தார். திங்கள்கிழமை ஊராட்சி ஆய்வுக்காக வந்த தேவிஜெயந்தி பணியை முடித்துவிட்டு, சத்துணவு அமைப்பாளர் ராமகிருஷ்ணனின் இருசக்கர வாகனத்தில் பின்னால் அமர்ந்து கடலாடிக்கு புறப்பட்டார். ஏர்வாடி அருகே இதம்பாடல் பகுதியில் சென்ற போது, தேவி ஜெயந்தி இருசக்கரவாகனத்தில் இருந்து தவறி விழுந்தார். இதில் பலத்த காயமடைந்த அவர் ராமநாதபுரம் அரசு மருத்துவமனைக்கு கொண்டு செல்லும் வழியில் உயிரிழந்தார். சம்பவம் குறித்து ஏர்வாடி போலீஸார் வழக்குப்பதிவு செய்து விசாரணை நடத்தி வருகின்றார்.