ராமேசுவரத்தில் உயர் கோபுர எல்இடி மின் விளக்குகள் திறப்பு

ராமேசுவரம் பகுதியில் 7 உயர்கோபுர மின் விளக்குகளை தகவல் தொழில் நுட்பத்துறை அமைச்சர் எம்.மணிகண்டன் திங்கள்கிழமை திறந்து வைத்தார்.
ராமநாதபுரம் சட்டப்பேரவை தொகுதி மேம்பாட்டு நிதியில் இருந்து ரூ.34.30 லட்சம் மதிப்பில் கீழக்கரையில் 5,  பிரப்பான்வலசை, சீனியப்பாதர்ஹா ஆகிய இடங்களில் தலா ஒன்று என 7 இடங்களில் உயர் கோபுர எல்இடி மின் விளக்குகள் அமைக்கப்பட்டிருந்தன. இவற்றை பொதுமக்கள் பயன்பாட்டிற்கு அமைச்சர் மணிகண்டன் திறந்து வைத்தார்.  இந்த நிகழ்ச்சியில் மண்டபம் ஊராட்சி ஒன்றிய வட்டார வளர்ச்சி அலுவலர்கள் ராஜா மற்றும் சித்ரா உள்ளிட்ட அதிகாரிகள் கலந்துகொண்டனர்.