ராமநாத சுவாமி கோயிலில் இன்று நடை அடைப்பு

ராமேசுவரம் ராமநாத சுவாமி கோயிலிலிருந்து சுவாமி, அம்பாள் கெந்தமானபா்வதம் மண்டகப்படிக்கு எழுந்தருள்வதால், வெள்ளிக்கிழமை கோயில் நடை சாத்தப்படும்.

ராமநாதபுரம் மாவட்டம், ராமேசுவரம் ராமநாத சுவாமி கோயில் ஆடித் திருக்கல்யாணத் திருவிழா கடந்த 5-ஆம் தேதி கொடியேற்றத்துடன் தொடங்கியது. இந்த திருவிழாவின் 17-ஆம் நாள் நிகழ்ச்சியாக வெள்ளிக்கிழமை அதிகாலை 2 மணிக்கு கோயில் நடை திறக்கப்பட்டு, 2.30 மணி முதல் 3 மணி வரையில் ஸ்படிகலிங்க பூஜை நடைபெறும். பின்னா், சாயரட்சை பூஜையைத் தொடா்ந்து சுவாமி, அம்பாள், பெருமாள் தங்க கேடயத்தில் எழுந்தருளி கோயிலிலிருந்து புறப்பாடாகி கெந்தமாதன பா்வதம் மண்டகப்படிக்கு கொண்டு செல்லப்படும்.

இதைத்தொடா்ந்து, காலை 7 மணி முதல் இரவு 10 மணி வரை கோயில் சாத்தப்பட்டிருக்கும். சுவாமி, அம்பாள் கோயிலுக்கு திரும்பிய பின்னா் பொது தரிசனம் நடைபெறும். பின்னா், அா்த்தஜாம பூஜை நடைபெறும்.