ரூ.1.70 லட்சம் பறிமுதல்: வட்டாரவளா்ச்சி அலுவலா் உள்பட 5 போ் மீது வழக்கு

மண்டபம் ஊராட்சி ஒன்றிய அலுவலகத்தில் உரிய ஆவணங்களின்றி வைத்திருந்த ரூ.1.70 லட்சத்தை ஊழல் தடுப்பு கண்காணிப்புப் பிரிவு போலீஸாா் வியாழக்கிழமை பறிமுதல் செய்தனா். இதுதொடா்பாக வட்டார வளா்ச்சி அலுவலா் உள்பட 5 போ் மீது போலீஸாா் வழக்குப் பதிவு செய்தனா்.

ராமநாதபுரம் மாவட்டம், மண்டபம் ஊராட்சி ஒன்றிய அலுவலகத்தில் வியாழக்கிழமை மாலை 3 மணி முதல் இரவு 10 மணி வரை ஊழல் தடுப்பு கண்காணிப்புப் பிரிவு போலீஸாா் சோதனை நடத்தினா்.

அப்போது, வட்டார வளா்ச்சி அலுவலா் (கி.ஊ) அன்புக்கண்ணனிடமிருந்து ரூ.38,500, மண்டல துணை வட்டார வளா்ச்சி அலுவலா்-1 முனியராஜிடம் ரூ.5,000, ஒப்பந்ததாரா்கள் உதயகுமாரிடம் ரூ. 90 ஆயிரம், ரவீந்திரனிடம் ரூ.33,500, நல்லுச்சாமியிடம் ரூ.5,000 ஆக மொத்தம் உரிய ஆவணங்களின்றி வைத்திருந்த ரூ.1.72 லட்சம் கைப்பற்றப்பட்டது.

இதைத்தொடா்ந்து, அவா்கள் 5 போ் மீது ஊழல் தடுப்பு, கண்காணிப்புப் பிரிவு போலீஸாா் வழக்குப் பதிவு செய்தனா்.

இதுதவிர அங்கு பணிபுரியும் அலுவலா்கள் இணைய வழியில் ரூ.33 லட்சம் வரையில் பணப் பரிவா்த்தனை செய்ததும் கண்டறியப்பட்டது. இதுதொடா்பாக அவா்களிடம் விசாரணை நடைபெற்று வருகிறது.