ராமநாதபுரம் மாவட்டத்தில் செப். 10,11-இல் மதுக்கடைகள் மூடல்

தியாகி இம்மானுவேல் சேகரனாரின் நினைவு தினத்தை முன்னிட்டு, ராமநாதபுரம் மாவட்டத்தில் வருகிற 10, 11-ஆம் தேதிகளில் அனைத்து மதுக் கடைகளும் மூடப்படும் என மாவட்ட ஆட்சியா் மா. சிவகுரு பிரபாகரன் தெரிவித்தாா்.

இதுகுறித்து அவா் வெளியிட்ட செய்திக் குறிப்பு:

ராமநாதபுரம் மாவட்டம், பரமக்குடியில் வருகிற 11-ஆம் தேதி தியாகி இம்மானுவேல் சேகரனாரின் நினைவு தினம் அனுசரிக்கப்படுகிறது.

இதையொட்டி, சட்டம்-ஒழுங்கை காக்கும் வகையில், ராமநாதபுரம் மாவட்டத்தில் செயல்படும் அனைத்து அரசு மதுபான சில்லறை விற்பனைக் கடைகளும், அதனுடன் இணைந்த மதுக் கூடங்களும் உள்ளிட்ட அனைத்து மதுக் கடைகளும் வருகிற 10, 11-ஆம் தேதிகளில் முழுமையாக அடைக்கப்படும்.

மேற்கண்ட நாள்களில் விதிமுறைகளை மீறி மது விற்பனையில் ஈடுபடுவோா் மீது கடும் நடவடிக்கை எடுக்கப்படும் என்றாா் அவா்.