பரமக்குடி கடை வீதிகளில் சாலைகளை ஆக்கிரமித்து இரு சக்கர வாகனங்கள் நிறுத்தம்: போக்குவரத்து நெரிசலால் பொதுமக்கள் அவதி

பரமக்குடி கடை வீதிகளில் சாலைகளை ஆக்கிரமித்து இரு சக்கர வாகனங்கள் நிறுத்தப்படுவதால், பொதுமக்கள் போக்குவரத்து நெரிசலில் சிக்கி தவிக்கின்றனா்.

பரமக்குடி நகராட்சி 36 வாா்டுகளைக் கொண்ட 2 லட்சத்துக்கும் மேற்பட்ட மக்கள் வசிக்கும் நகராகும். இதைச் சுற்றியுள்ள கிராம மக்களும் தங்களுக்கு தேவையான அத்தியாவசியப் பொருள்களை வாங்க அதிகளவில் பரமக்குடிக்கு வந்து செல்கின்றனா். இதனால் நகரில் மக்கள் நடமாட்டம் நாளுக்குநாள் அதிகரித்து வருகிறது. இந்த நிலையில், இங்குள்ள ஜவுளி, பலசரக்கு, வீட்டு உபயோகப் பொருள்கள் விற்பனை நிலையம், அடுமனை, நகைக் கடைகள் உள்ளிட்ட வணிக நிறுவனங்களின் முன் அந்தந்த கடை ஊழியா்கள் தங்களது இரு சக்கர வாகனங்களை நிறுத்தி வைக்கின்றனா். இதனால் சாலையின் இருபுறமும் இரு சக்கர வாகனங்களால் ஆக்கிரமிக்கப்பட்டு, பாதசாரிகளும், வாகன ஓட்டிகளும் அவதியடைந்து வருகின்றனா்.

பரமக்குடி நகரில் கடை வீதிகளுக்கு வரும் பொதுமக்கள் தங்களது வாகனங்களை நிறுத்த நகராட்சி நிா்வாகம் இடம் ஒதுக்கித் தர வேண்டுமென நீண்ட நாள்களாக கோரிக்கை விடுக்கப்பட்டு வருகிறது. இதை நகராட்சி நிா்வாகத்தினா் கண்டுகொள்ளவில்லை என பொதுமக்கள் புகாா் தெரிவிக்கின்றனா். மேலும், அரசு அலுவலகங்கள், கோயில்கள், பள்ளிகள் என நகா் பகுதிக்குள் வந்து செல்லும் பொதுமக்கள் தங்களது வாகனங்களை நிறுத்த இட வசதியின்றி மிகவும் சிரமத்துக்குள்ளாகி வருகின்றனா். எனவே பரமக்குடி நகா் பகுதியில் முக்கிய இடங்களில் வாகனங்களை நிறுத்த இடவசதி செய்து தர மாவட்ட நிா்வாகம் நடவடிக்கை எடுக்க வேண்டுமென பொதுமக்கள் கோரிக்கை விடுத்தனா்.