மதுவிலக்கை வலியுறுத்தி தமாகா கையெழுத்து இயக்கம் தொடக்கம்

மது ஒழிப்பை வலியுறுத்தி தமிழ் மாநில காங்கிரஸ் கட்சியின் சார்பில் ஒரு கோடி கையெழுத்து இயக்கம் தொடக்க விழா காரைக்குடி ஐந்துவிளக்குப் பகுதியில் திங்கள்கிழமை நடைபெற்றது.

விழாவில் சிவகங்கை மாவட்டத் தலைவர் கே.கே.பாலசுப்பிரமணியன் தலைமை வகித்தார். கட்சியின் மாநிலச் செயலரும், முன்னாள் எம்.பி.யுமான உ.சுப. உடையப்பன் கையெழுத்து இயக்கத்தை தொடக்கி வைத்துச் சிறப்புரையாற்றினார். மாநில பொதுக் குழு உறுப்பினர் எஸ்பி.ஜெகதீசன், மாநில உயர்மட்டக்குழு உறுப்பினர் சி.கரு.வீரப்பன், மாநில செயற்குழு உறுப்பினர்கள் சிடி. பழனியப்பன், பேங்க் எம்என். சுப்பிரமணியன், மாநில செயலர்கள் துரை.கருணாநிதி, எஸ்.மாங்குடி மற்றும் மாநில, மாவட்ட, நகர, ஒன்றிய நிர்வாகிகள் பலரும் கையெழுத்திட்டனர். முடிவில் காரைக்குடி நகரத்தலைவர் சி. மெய்யர் நன்றி கூறினார்.