ஏடிஎம் இயந்திரத்தை உடைத்து பணம் திருட முயன்ற இளைஞர் கைது

சிவகங்கையில் ஏடிஎம் இயந்திரத்தை உடைத்து பணத்தை திருட முயன்ற இளைஞரை போலீஸார் சனிக்கிழமை கைது செய்தனர்.

சிவகங்கை-தொண்டி சாலையில் அரசு வங்கியின் ஏடிஎம் மையம் உள்ளது. இங்கு, கடந்த 22 ஆம் தேதி இரவு உள்ளே சென்ற மர்ம நபர் ஒருவர், ஏடிஎம் இயந்திரத்தை உடைத்து பணத்தை திருட முயற்சி செய்துள்ளார். இதுகுறித்து வங்கித் தரப்பில், சிவகங்கை நகர் காவல் நிலையத்தில் புகார் செய்யப்பட்டது. இதையடுத்து போலீஸார் வழக்குப்பதிவு செய்து விசாரித்தனர். மேலும் ஏடிஎம் மையத்தில் உள்ள கண்காணிப்பு கேமராவில் பதிவான காட்சிகளின் அடிப்படையில், காளையார்கோவில் அருகே உள்ள சிரமம் கிராமத்தைச் சேர்ந்த கோபி (19) என்பவரை போலீஸார் சனிக்கிழமை கைது செய்தனர்.