கஞ்சா விற்றதாக 3 பேர் கைது

காரைக்குடியில் கஞ்சா விற்ற மூன்று பேரை போலீஸார் கைது செய்தனர்.

   காரைக்குடி சேர்வார் ஊரணியைச் சேர்ந்த பூமிநாதன்(28), இதே பகுதியைச் சேர்ந்த ராகுல்ஜி (26), காரைக்குடி அழகப்பாபுரத்தைச் சேர்ந்த சூர்யா(23) ஆகிய மூவரும், அப்பகுதியில் கஞ்சா விற்பதாக வடக்கு போலீஸாருக்கு வெள்ளிக்கிழமை தகவல் கிடைத்தது.

இதையடுத்து சார்பு ஆய்வாளர் தவமுனி சம்பவ இடத்துக்குச் சென்று மூன்று பேரிடமும் சோதனை மேற்கொண்டதில் 300 கிராம் கஞ்சா இருப்பது தெரியவந்தது. இதையடுத்து மூன்று பேரும் கைது செய்யப்பட்டு கஞ்சாவும் பறிமுதல் செய்யப்பட்டது.