திருப்புவனம், மானாமதுரையில் மழை

திருப்புவனம் மற்றும் சுற்றியுள்ள பகுதிகளில் சனிக்கிழமை மாலை மழை பெய்ததால் விவசாயிகள் மகிழ்ச்சியடைந்துள்ளனர்.

   திருப்புவனம் பகுதியில் சனிக்கிழமை காலையிலிருந்து வழக்கத்தை விட அதிகமாக அனல் வீசியது.  இந்நிலையில் மாலையில் திருப்புவனம் மற்றும் சுற்றியுள்ள பகுதிகளில் பலத்த மழை பெய்தது. இதனால் விவசாயிகள், கால்நடை வளர்ப்போர் மகிழ்ச்சி  அடைந்தனர்.

மானாமதுரை

மானாமதுரை பகுதியில் கடும் வெயிலால் மக்கள் அவதியடைந்தனர். இந்நிலையில் சனிக்கிழமை மாலை இடியுடன் கூடிய பலத்த மழை பெய்தது.  இதனால் சாலைகளில் தண்ணீர் பெருக்கெடுத்தது. தொடர்ந்து முக்கால் மணி நேரம் பெய்த மழையினால் வெப்பம் தணிந்து குளிர்ச்சி நிலவியது.