மதுபோதையில் தகராறில் ஈடுபட்ட மகன் கொலை: தந்தை, சகோதரர் கைது

சிவகங்கையில், மதுபோதையில் அடிக்கடி பணம் கேட்டு தகராறில் ஈடுபட்ட மகனை கொலை செய்து, சடலத்தை நுகர்வோர் நீதிமன்ற வளாகத்தில் வீசிய தந்தை, மற்றொரு மகன் இருவரையும் போலீஸார் சனிக்கிழமை கைது செய்தனர்.

 சிவகங்கை கஸ்தூரிபாய் தெருவைச் சேர்ந்தவர் பாலாஜி (29). இவர் கடந்த 7ஆம் தேதி நுகர்வோர் நீதிமன்ற வளாகத்தில் கொலை செய்யப்பட்டு கிடந்தார். இதுகுறித்து சிவகங்கை நகர் போலீஸார் வழக்குப்பதிந்து விசாரித்து வந்தனர். இதில், போதைப்பழக்கத்துக்கு அடிமையான பாலாஜி வீட்டில் பணம் கேட்டு அடிக்கடி தகராறில் ஈடுபட்டுள்ளார். கடந்த செப்.6 ஆம் தேதி இரவும் பணம் கேட்டு தந்தையிடம் சண்டை போட்டுள்ளார். இதனால் ஆத்திரமடைந்த அவரது தந்தை முருகன், மற்றொரு மகன் ராம்குமார்(26) இருவரும் பாலாஜியின் கழுத்தை நெரித்துக் கொன்று, அவரது சடலத்தை நுகர்வோர் நீதிமன்ற வளாகத்தில் வீசிச்சென்றது தெரியவந்தது. இதையடுத்து தந்தை முருகன், சகோதரர் ராம்குமார் இருவரையும் போலீஸார் கைது செய்தனர்.