ஏஐடியூசி சங்கக் கூட்டம்

காரைக்குடி நகராட்சியில் பணிபுரியும் ஏஐடியூசி பொது சுகாதாரத்தொழிலாளர் சங்கக் கூட்டம் திங்கள்கிழமை நடைபெற்றது.
இக்கூட்டத்தில் சங்கத்தின் தலைவர் டி. முருகன் தலைமை வகித்தார். ஏஐடியூசி மாநில துணைச்செயலாளர் பிஎல். ராமச்சந்திரன், சங்க செயலாளர் எம். ராமராஜ்,மாநிலக்குழு உறுப்பினர் ஆர்.கண்ணன், சாலைப்போக்குவரத்துத் தொழிலாளர் சங்க மாவட்டச்செயலாலர் ஏஜி. ராஜா, ஒப்பந்தத் தொழிலாளர் சங்கப்பொறுப்பாளர் எம். பாலு, ஏகே. பிச்சை மற்றும் உறுப்பினர்கள் கலந்துகொண்டனர். 
 மத்திய அரசைக் கண்டித்து வரும் ஜனவரி 8, 9 ஆகிய தேதிகளில் நடைபெற உள்ள நாடு தழுவிய வேலைநிறுத்தம் மற்றும் மறியல் போராட்டத்தில் திரளான தொழிலாளர்கள் பங்கேற்பதென்று கூட்டத்தில் முடிவு செய்து தீர்மானம் நிறைவேற்றப்பட்டது.