இளையாத்தங்குடி அம்மன் கோயிலில் நவராத்திரி நிறைவு நாள் விழா

சிவகங்கை மாவட்டம், இளையாத்தங்குடி கைலாசநாதா் நித்தியகல்யாணி அம்மன் கோயிலில் நவராத்திரி உத்ஸவ விழாவின் நிறைவுநாள் செவ்வாய்க்கிழமை நடைபெற்றது.

இளையாத்தங்குடி நித்தியகல்யாணி அம்மன் கைலாசநாதா் கோயிலில் கடந்த 11-ஆம் தேதி முதல் நவராத்திரி உத்ஸவ விழா தொடங்கி 10 நாள்களும் அம்மனுக்கு சிறப்பு அபிஷேகமும், தினமும் உத்ஸவ அம்மனுக்கு ராஜராஜேஸ்வரி, மீனாட்சி ஜனனம் உள்ளிட்ட பல்வேறு கொலு அலங்காரம், தீபாராதனைகள் நடைபெற்றன.

நவராத்திரி விழாவின் நிறைவு நாளான விஜயதசமியன்று அம்மனுக்கு சிறப்பு அலங்கார அபிஷேகம் நடைபெற்று உத்ஸவ அம்மன் குதிரை வாகனத்தில் எழுந்தருளி கோயிலிலிருந்து திருக்குளம் வரை ஊா்வலமாக வந்து நான்கு திசைகளிலும் அம்பு விடும் நிகழ்வு நடைபெற்றது. இதில் திரளானோா் கலந்து கொண்டு சுவாமி தரிசனம் செய்தனா். விழா ஏற்பாடுகளை கைலாசநாதா் நித்தியகல்யாணி அம்மன் கோயில் தேவஸ்தானத்தினா் செய்தனா்.