காசோலை மோசடி வழக்கில் வழக்குரைஞருக்கு 6 மாதம் சிறை

தேனியைச் சேர்ந்த வழக்குரைஞருக்கு காசோலை மோசடி வழக்கில் 6 மாதம் சிறை தண்டனை வித்து திங்கள்கிழமை தேனி விரைவு நீதிமன்றம் தீர்ப்பளித்தது.

 ஆண்டிபட்டி வட்டாரம், வருஷநாடு பகுதியைச் சேர்ந்தவர் விவசாயி பாஸ்கரன். இவர், தேனியைச் சேர்ந்த வழக்குரைஞர் கார்த்திகேயன் என்பவரிடம் நிலம் வாங்குவதற்காக ரூ.4 லட்சத்து 75 ஆயிரம் கொடுத்து வைத்திருந்தாராம்.

இந்தப் பணத்தை திரும்பக் கேட்டதற்கு, கடந்த 2014ஆம் ஆண்டு கார்த்திகேயன் பாஸ்கரனுக்கு ரூ.4 லட்சத்து 75 ஆயிரத்துக்கான காசோலை கொடுத்திருந்தாராம். இந்தக் காசோலை அவர் கணக்கில் பணம் இல்லாததால் திரும்பி வந்து விட்டதாம். இது குறித்து தேனி விரைவு நீதிமன்றத்தில் பாஸ்கரன் வழக்கு தொடர்ந்தார்.

 இந்த வழக்கை விசாரித்த நீதிபதி ஸ்ரீவித்யா, கார்த்திகேயனுக்கு  6 மாதம் சிறை மற்றும் ரூ.1,000 அபராதம் விதித்து தீர்ப்பளித்தார்.