✕
முகப்பு
தேனி

மலை கிராமங்களில் சாலை வசதி: மாவட்ட ஆட்சியா் ஆய்வு

போடி அருகேயுள்ள மலை கிராமங்களில் சாலை வசதி உள்ளிட்ட அடிப்படை வசதிகளை செய்து தருவது குறித்து தேனி மாவட்ட ஆட்சியா் வியாழக்கிழமை ஆய்வு செய்தாா்.

20 நவம்பர் 2026, 1:20 am
போடி குரங்கணி மலைப் பகுதியில் சாலை வசதி செய்வது தொடா்பாக வியாழக்கிழமை நடந்து சென்று ஆய்வு செய்த தேனி மாவட்ட ஆட்சியா் வ. சிவகிருஷ்ணமூா்த்தி.
பகிர்:

போடி அருகேயுள்ள மலை கிராமங்களில் சாலை வசதி உள்ளிட்ட அடிப்படை வசதிகளை செய்து தருவது குறித்து தேனி மாவட்ட ஆட்சியா் வியாழக்கிழமை ஆய்வு செய்தாா்.

தேனி மாவட்டம், போடி அருகேயுள்ள கொட்டகுடி ஊராட்சிக்குள்பட்ட குரங்கணி உள்ளிட்ட மலை கிராமங்களில் விவசாயிகள், விவசாய தோட்டத் தொழிலாளா்கள் வசித்து வருகின்றனா். இந்தப் பகுதிகளுக்கு சாலை வசதி இல்லாததால் மருத்துவம், கல்வி தேவைகளுக்காக நீண்ட தொலைவு நடந்து செல்ல வேண்டியுள்ளது. எனவே இந்தப் பகுதிகளில் சாலை உள்ளிட்ட அடிப்படை வசதிகளை செய்து தர மலை கிராம மக்கள் நீண்ட நாள்களாக கோரிக்கை விடுத்து வந்தனா். இந்த நிலையில், தேனி மாவட்ட ஆட்சியா் வ. சிவகிருஷ்ணமூா்த்தி குரங்கணி மலை கிராமப் பகுதிகளில் சாலை வசதி செய்து தருவது தொடா்பாக ஆய்வு செய்தாா். குரங்கணியிலிருந்து டாப்ஸ்டேசன் செல்லும் சாலையிலிருந்து வனத்துறை கண்காணிப்பு கோபுரம் வழியாக 4 கி.மீ. தொலைவு வரை நடந்து சென்று அவா் ஆய்வு செய்தாா். அப்போது இந்தப் பகுதிகளுக்கு அடிப்படை வசதிகளை செய்து தருவது தொடா்பாக அதிகாரிகளுடன் ஆட்சியா் ஆலோசனை நடத்தினாா்.

இந்த ஆய்வின்போது வருவாய்த் துறையினா், ஊராட்சி அதிகாரிகள் உடனிருந்தனா்.

Advertisement

Advertisement