போலீஸாரிடமிருந்து தப்பியோடிய கைதி பிடிபட்டாா்

தேனி புதிய பேருந்து நிலையத்தில் போலீஸாரிடமிருந்து தப்பியோடிய கைதி வெள்ளிக்கிழமை பிடிபட்டாா்.

தேனி அரண்மனைப்புதூரைச் சோ்ந்தவா் காஞ்சி வசந்தமணி (23). இவரை திருட்டு வழக்கில் கம்பம் வடக்கு காவல் நிலைய போலீஸாா் கைது செய்தனா். இதைத் தொடா்ந்து, வியாழக்கிழமை தேனி நீதிமன்றத்தில் முன்னிலைப்படுத்தி சிறையில் அடைப்பதற்காக இரு காவலா்கள் தேனி புதிய பேருந்து நிலையத்துக்கு அவரை அழைத்து வந்தனா். அப்போது போலீஸாரிடமிருந்து அவா் தப்பியோடி விட்டாராம்.

இதுகுறித்து தேனி காவல் நிலையத்துக்கு தகவல் தெரிவிக்கப்பட்டது. இந்த நிலையில், பழனிசெட்டிபட்டி பகுதியில் காஞ்சி வசந்தமணியை போலீஸாா் வெள்ளிக்கிழமை கைது செய்தனா்.