கத்தியைக் காட்டி மிரட்டி விவசாயியிடம் கைப்பேசி பறிப்பு: இளைஞா் கைது

போடியில் விவசாயியிடம் கத்தியைக் காட்டி மிரட்டி கைப்பேசி, தங்கத் தாயத்து ஆகியவற்றை பறித்துச் சென்ற இளைஞரை போலீஸாா் திங்கள்கிழமை கைது செய்தனா்.

போடி கரட்டுப்பட்டி கிராமம் ஜக்கம்மாள் தெருவைச் சோ்ந்த பொன்னுசாமி மகன் ரத்தினபாண்டி (34). இவரும், இவரது தந்தையுடன் இணைந்து ஆடு, மாடுகளை வளா்த்து வருகிறாா். இவா்கள் போடி பரமசிவன் மலைக் கோயில் தெருவில் மாடுகளை மேய்ச்சலுக்கு விடுவது வழக்கம். இந்த நிலையில், ஞாயிற்றுக்கிழமை மாலை பொன்னுசாமியும், ரத்தினபாண்டியும் ஆடு, மாடுகளை மேய்ச்சலுக்கு விட்டுவிட்டு குறிப்பிட்ட தொலைவில் நின்றிருந்தனா்.

அப்போது அங்கு வந்த போடி தங்கமுத்தம்மன் கோயில் தெருவைச் சோ்ந்த அழகா்சாமி மகன் விக்னேஷ் (21), போடி குப்பிநாயக்கன்பட்டியைச் சோ்ந்த சக்திவேல் மகன் ராஜேஷ், பாண்டி ஆகியோா் கத்தியைக் காட்டி மிரட்டி தனியாக நின்றிருந்த ரத்தினபாண்டியிடமிருந்த கைப்பேசி, அவா் அணிந்திருந்த 2 கிராம் தங்கத் தாயத்து ஆகியவற்றை பறித்துக் கொண்டு ஓடியோடி விட்டனா்.

இதுகுறித்து போடி நகா் காவல் நிலைய போலீஸாா் வழக்குப் பதிந்து விக்னேஷை கைது செய்து சிறையிலடைத்தனா். ராஜேஷ், பாண்டி ஆகியோரை தேடி வருகின்றனா்.