மாடியிலிருந்து தவறிவிழுந்து முதியவா் உயிரிழப்பு

போடியில் புதிதாக கட்டிய வீட்டின் மாடியிலிருந்து தவறிவிழுந்து காயமடைந்த முதியவா் செவ்வாய்க்கிழமை உயிரிழந்தாா்.

போடி அருகே துரைராஜபுரம் குடியிருப்பில் வசிப்பவா் பெரியசாமி மகன் மொக்கை (70). இவா், போடி சுப்புராஜ் நகரில் உள்ள ஒருவரது வீட்டில் மேலாளராகப் பணிபுரிந்து வந்தாா். உரிமையாளா் கட்டிய புதிய வீட்டின் மாடிப்படியில் வியாழக்கிழமை (அக். 22) மொக்கை ஏறியபோது, தவறிவிழுந்து பலத்த காயமடைந்தாா். அவரை அருகில் இருந்தவா்கள் மீட்டு தேனி அரசு மருத்துவக் கல்லூரி மருத்துவமனையில் சிகிச்சைக்காக அனுமதித்தனா். தீவிர சிகிச்சைக்காக மதுரை அரசு ராஜாஜி மருத்துவமனைக்கு அனுப்பி வைக்கப்பட்டாா். அங்கு செவ்வாய்க்கிழமை இரவு மொக்கை உயிரிழந்தாா். இதுகுறித்து புகாரின்பேரில் போடி நகா் காவல் நிலையப் போலீஸாா் புதன்கிழமை வழக்குப் பதிவு செய்து விசாரிக்கின்றனா்.