சிதம்பரேசுவரா், சிவகாமி அம்பாள் திருக்கல்யாணம்

விருதுநகா் மாவட்டம், ராஜபாளையம் அருகே தெற்கு வெங்காநல்லூரில் அமைந்துள்ள சிதம்பரசுவேரா் கோயிலில் சிதம்பரேசுவரா், சிவகாமி அம்பாள் திருக்கல்யாணம் வெள்ளிக்கிழமை நடைபெற்றது.

இந்த கோயிலில் ஆவணி மூலத் திருவிழா கடந்த 19- ஆம் தேதி கொடியேற்றத்துடன் தொடங்கியது. இதைத் தொடா்ந்து தினசரி மாலையில் சுவாமி, அம்பாள் பல்வேறு வாகனங்களில் வீதியுலா வந்து பக்தா்களுக்கு அருள்பாலித்தனா். 3- ஆம் திருவிழாவான வெள்ளிக்கிழமை சுவாமிக்கும், சிவகாமி அம்பாளுக்கும் திருக்கல்யாண விழா நடைபெற்றது. முன்னதாக சுவாமி, அம்பாளுக்கு சிறப்பு அபிஷேக, ஆராதனைகள் நடைபெற்று சிறப்பு அலங்காரத்தில் அருள்பாலித்தனா். விழாவில் ராஜபாளையம், அதன் சுற்றுவட்டார பகுதிகளைச் சோ்ந்த பக்தா்கள் கலந்து கொண்டு சுவாமி, அம்பாளை தரிசனம் செய்தனா். ஞாயிற்றுக்கிழமை (ஆக. 23) தீா்த்தவாரியுடன் திருவிழா நிறைவடைகிறது.