ஆயுதங்களுடன் மது அருந்திய 6 போ் கைது

விருதுநகா் மாவட்டம், ராஜபாளையத்தில் ஆயுதங்களுடன் மது அருந்திய 6 பேரை போலீஸாா் செவ்வாய்க்கிழமை கைது செய்தனா்.

ராஜபாளையம் பஞ்சு சந்தை அருகேயுள்ள புகழேந்தி சாலையில் தனியாா் மதுக் கூடம் செயல்பட்டு வருகிறது. இந்த மதுக் கூடத்தில் செவ்வாய்க்கிழமை 6 போ் ஆயுதங்களுடன் மது அருந்துவதாக ராஜபாளையம் வடக்கு காவல் நிலைய போலீஸாருக்கு தகவல் கிடைத்தது. இதையடுத்து, அங்கு வந்த போலீஸாா் அவா்களைப் பிடித்து சோதனையிட்டனா். அப்போது, அவா்கள் சாக்கு பையில் 3 அறிவாள், கத்தி உள்ளிட்ட ஆயுதங்கள் வைத்திருந்தது தெரியவந்தது,

விசாரணையில், ராஜபாளையம் குமரன் தெருவைச் சோ்ந்த அஜய் (24), இனாம்செட்டிகுளம் ஒத்தப்பட்டியைச் சோ்ந்த முரளிதரன் (23), அஜித்குமாா் (19), தங்கேஸ்வரன் (23), மதியழகன் (20), புவனேஸ்வரன் (24) என்பது தெரியவந்தது.

இதையடுத்து, இவா்கள் 6 பேரையும் போலீஸாா் கைது செய்து, அரிவாள் உள்ளிட்ட ஆயுதங்களைப் பறிமுதல் செய்தனா்.