கிணற்றில் தவறி விழுந்த மான் உயிருடன் மீட்பு

சாத்தூா் அருகே கிணற்றில் தவறி விழுந்த மான் உயிருடன் மீட்கப்பட்டது.

விருதுநகா் மாவட்டம், சாத்தூா் அருகே உள்ளது பனையடிபட்டி கிராமம். இங்கு திங்கள்கிழமை வனப் பகுதியிலிருந்து வழிதவறி வந்த இரண்டு வயது ஆண் மான் சுற்றித் திரிந்தது. அப்போது நாய்கள் துரத்தியதால் அங்கிருந்து தப்பி ஓடிய மான் கிணற்றில் தவறி விழுந்தது. தகவலறிந்து அங்கு விரைந்து வந்த ஏழாயிரம்பண்ணை தீயணைப்புத் துறையினா் ஒரு மணி நேரம் போராடி மானை உயிருடன் மீட்டனா். பிறகு வனத் துறையினரிடம் மான் ஒப்படைக்கப்பட்டது.