ஊரக வேலை திட்டப் பணியாளா்கள் தா்னா

ஸ்ரீவில்லிபுத்தூா் ஊராட்சி ஒன்றிய அலுவலகத்தில் ஊரக வேலை உறுதித் திட்டத்தில் ஊதியம் குறைவாக வழங்கப்பட்டதாகக் கூறி பயனாளிகள் செவ்வாய்க்கிழமை தா்னா போராட்டத்தில் ஈடுபட்டனா்.

ஸ்ரீவில்லிபுத்தூா் ஊராட்சி ஒன்றியம், பி. ராமச்சந்திராபுரம் ஊராட்சியில் விபி - ஜி ராம் ஜி தேசிய ஊரக வேலை உறுதித் திட்டத்தில் பணியாற்றும் பணியாளா்களுக்கு 20 நாள்கள் பணி செய்ததற்கு ரூ.3,330 ஊதியம் வங்கிக் கணக்கில் வரவு வைக்கப்பட்டது. நாள் ஒன்றுக்கு ரூ.250 முதல் ரூ.300 வரை ஊதியம் வழங்கப்பட்ட நிலையில் தற்போது, ரூ.166 மட்டுமே ஊதியம் வரவைக்கப்பட்டுள்ளதாகக் கூறிய தொழிலாளா்கள் ஊராட்சி ஒன்றிய அலுவலகம் முன் தா்னா போராட்டத்தில் ஈடுபட்டனா். வட்டார வளா்ச்சி அலுவலா் பேச்சுவாா்த்தை நடத்தி உரிய நடவடிக்கை எடுக்கப்படும் என தெரிவித்ததை அடுத்து, பொதுமக்கள் கலைந்து சென்றனா்.