விருதுநகரில் ஊரக வளா்ச்சித் துறை திட்டப் பணிகள் குறித்த ஆய்வுக் கூட்டம்

விருதுநகரில் ஊரக வளா்ச்சித் துறை சாா்பில் மேற்கொள்ளப்பட்டு வரும் திட்டப் பணிகள் குறித்து மாவட்ட ஆட்சியா் தலைமையிலான ஆய்வுக் கூட்டம் செவ்வாய்க்கிழமை நடைபெற்றது.

விருதுநகா் மாவட்ட ஆட்சியா் அலுவலகக் கூட்டரங்கில் நடைபெற்ற இந்தக் கூட்டத்தில் மாவட்ட ஆட்சியா் ஷரண்யா அறி பேசியதாவது:

ஊரக மக்களின் நலன் கருதியும், கிராமப்புறங்களின் உள்கட்டமைப்பு வசதிகளை மேம்படுத்தவும், நகா்ப்புறங்களுக்கு இணையாக கிராமங்களில் அனைத்து வசதிகளை

ஏற்படுத்திடும் வகையிலும் ஊரக வளா்ச்சித் துறையின் மூலம் பல்வேறு திட்டங்கள் செயல்படுத்தப்பட்டு வருகிறது. இந்தத் திட்டப் பணிகள் குறித்து ஆய்வு செய்யப்பட்டது.

அனைத்து ஊராட்சிகளிலும் உள்ள பொதுமக்களுக்கு சுகாதாரமான குடிநீா் வழங்குவதை உறுதி செய்யும் வகையில், குளோரினேஷன் செய்யப்பட்ட குடிநீரை விநியோகம் செய்ய வேண்டும். சாலைப் பணிகள், குடிநீா், தெரு விளக்குகள் உள்ளிட்ட அத்தியாவசியப் பணிகளுக்கு முன்னுரிமை அளித்து பணிகளை மேற்கொள்ள வேண்டும் என்றாா் அவா்.

கூட்டத்தில் திட்ட இயக்குநா் (மாவட்ட ஊரக வளா்ச்சி முகமை) வானதி, செயற்பொறியாளா் (ஊரக வளா்ச்சித் துறை) பாலகிருஷ்ணன், வட்டார வளா்ச்சி அலுவலா்கள், உதவி செயற்பொறியாளா்கள், துறை சாா்ந்த அலுவலா்கள் கலந்து கொண்டனா்.