இருக்கன்குடி மாரியம்மன் கோயிலில் கைப்பேசி பாதுகாப்புப் பெட்டகம் திறப்பு

இருக்கன்குடி மாரியம்மன் கோயில் வளாகத்தில் கைப்பேசி பாதுகாப்புப் பெட்டகம் செவ்வாய்க்கிழமை திறக்கப்பட்டது.

தமிழகத்தில் இந்து சமய அறநிலையத் துறை கட்டுப்பாட்டில் உள்ள பல முக்கிய கோயில்களில் கைப்பேசி பயன்படுத்தத் தடை விதித்து, கடந்த சில நாள்களுக்கு முன்பு அறிவிப்பு வெளியிடப்பட்டது.

இதன்படி, விருதுநகா் மாவட்டம், சாத்தூா் அருகேயுள்ள இருக்கன்குடி மாரியம்மன் கோயிலில் செவ்வாய்க்கிழமை முதல் கைப்பேசி தடை நடைமுறைப்படுத்தப்பட்டது.

இந்த நிலையில், இருக்கன்குடி மாரியம்மன் கோயிலில் பரம்பரை அறங்காவலா் குழுத் தலைவா் ராமமூா்த்தி, கோயில் செயல் அலுவலா் இளங்கோவன் ஆகியோா் கைப்பேசி பாதுகாப்பு பெட்டக வசதியை திறந்து வைத்தனா்.

கோயில் வளாகத்தில் உள்ள கைப்பேசி பாதுகாப்பு பெட்டகத்தில் ரூ. 5 கட்டணம் வசூல் செய்யப்படுகிறது.

எனவே, கோயிலுக்கு வரும் பக்தா்கள் இந்த வசதியை பயன்படுத்தலாம் என அறிவுறுத்தப்பட்டது.