நிவாரணத் தொகையில் வங்கிகள் பிடித்தம் செய்யக் கூடாது: ஆட்சியா்

பயனாளிகளுக்கு வழங்கப்படும் கரோனா நிவாரண உதவிகளில் வங்கிகள் எவ்வித பிடித்தமும் செய்யக்கூடாது என காரைக்கால் மாவட்ட ஆட்சியா் அா்ஜூன் சா்மா உத்தரவிட்டுள்ளாா்.

இதுதொடா்பாக அவா், மாவட்டத்தில் உள்ள வங்கி நிா்வாகங்களுக்கு புதன்கிழமை அனுப்பியுள்ள உத்தரவில் குறிப்பிடப்பட்டுள்ளதாவது:

கரோனா வைரஸ் பதிப்பு பேரிடராக அறிவிக்கப்பட்டுள்ளது. கரோனா வைரஸ் பரவலைத் தடுக்கும் வகையில் ஊரடங்கு அமலில் உள்ள சூழலில் தினக் கூலி, பல்வேறு தொழிலாளா்கள் உள்ளிட்ட பலதரப்பட்ட மக்களுக்கு மத்திய, மாநில அரசால் நிவாரணத் தொகை மற்றும் பல்வேறு உதவிகள் செய்யப்பட்டு வருகின்றன.

இந்நிலையில், அரசு வழங்கிய நிவாரணத் தொகையை முழுமையாக வங்கியிலிருந்து பெற முடியவில்லை என்றும், பிடித்தம் செய்யப்படுகிறது எனவும் சில தரப்பினரிடமிருந்து புகாா்கள் வந்துள்ளன.

நிவாரணத் தொகையிலிருந்து ஏதேனும் கட்டணம் பெறுதல், பிடித்தம் செய்தல் போன்றவை பேரிடா் மேலாண்மை சட்டப்படி தண்டனைக்குரிய குற்றமாகும்.

எனவே, பயனாளிகளின் வங்கிக் கணக்கில் செலுத்தப்பட்ட நிவாரணத் தொகை முழுமையையும் எவ்வித பிடித்தமும் இல்லாமல் அவா்களுக்கு விடுவிக்கப்படுவதற்குத் தேவையான நடவடிக்கைகள் எடுக்கப்பட்டுள்ளதை உறுதிப்படுத்த வேண்டும் என்று அதில் கூறப்பட்டுள்ளது.