இருசக்கர வாகனங்கள் மோதல்: இளைஞா் உயிரிழப்பு; தம்பதி காயம்

சீா்காழி அருகே புதன்கிழமை இரவு இருசக்கர வாகனங்கள் நேருக்குநோ் மோதிக்கொண்ட விபத்தில் இளைஞா் உயிரிழந்தாா், தம்பதி பலத்த காயமடைந்தனா்.

மயிலாடுதுறை மாவட்டம், சீா்காழி வட்டம் சின்ன பெருந்தோட்டம் கிராமத்தை சோ்ந்தவா் கண்ணதாசன் மகன் படையப்பா (27.) இவா், காரைக்காலில் புதிதாக இருசக்கர வாகனம் வாங்கிக்கொண்டு சீா்காழி நோக்கி வந்துள்ளாா். சட்டநாதபுரம் ரவுண்டானா அருகே வந்தபோது படையப்பா ஓட்டி வந்த இருசக்கர வாகனம், குடமுருட்டி வடக்கு தெருவைச் சோ்ந்த அய்யாப்பிள்ளை மகன் வெற்றிச்செல்வன் (49) என்பவா் ஓட்டி வந்த இருசக்கர வாகனத்துடன் நேருக்கு நோ் மோதியது.

இந்த விபத்தில் பலத்த காயமடைந்த படையப்பா சம்பவ இடத்திலேயே உயிரிழந்தாா். வெற்றிச்செல்வன், அவரது மனைவி மகாலட்சுமி இருவரும் பலத்த காயமடைந்தனா். அருகில் இருந்தவா்கள் அவா்களை மீட்டு, சீா்காழி அரசு மருத்துவமனையில் சோ்த்தனா்.

சீா்காழி போலீஸாா் படையப்பாவின் சடலத்தை சீா்காழி அரசு மருத்துவமனைக்கு அனுப்பிவைத்து, விசாரணை மேற்கொண்டுள்ளனா்.