குடிநீர் கோரி தலைஞாயிறில் பெண்கள் முற்றுகைப் போராட்டம்

வேதாரண்யத்தை அடுத்த தலைஞாயிறு ஊராட்சி ஒன்றிய அலுவலகம் எதிரே குடிநீர் கோரி காலிக்குடங்களுடன் பெண்கள் சனிக்கிழமை முற்றுகைப் போராட்டத்தில் ஈடுபட்டனர்.

ஆய்மூர், பெருமழைப் பகுதியில் நிலவும் குடிநீர் தட்டுப்பாட்டைக் கண்டித்து அந்த பகுதி பெண்கள் இந்த போராட்டத்தில் பங்கேற்றனர்.

நாகை உதவித் திட்ட அலுவலர் ராமலிங்கம், வட்டார வளர்ச்சி அலுவலர் மோகன் உள்ளிட்டோர் பேச்சுவார்த்தை நடத்தி, கொள்ளிடம் மற்றும் உள்ளூர் குடிநீர் ஆதாரங்களை பயன்படுத்தி குடிநீர் வழங்க உறுதியளித்தனர். இதையடுத்து முற்றுகைப் போராட்டம் விலக்கிக் கொள்ளப்பட்டது.