நாகையில் ஜாக்டோ- ஜியோ ஆர்ப்பாட்டம்

ஆசிரியர்கள் மற்றும் அரசு ஊழியர்களை தமிழக முதல்வர் விமர்சித்துப் பேசியதைக் கண்டித்து ஜாக்டோ - ஜியோ அமைப்பு சார்பில் நாகை அவுரித் திடலில் புதன்கிழமை ஆர்ப்பாட்டம் நடைபெற்றது.
அண்மையில் சேலத்தில் நடைபெற்ற அதிமுக செயல்வீரர்கள் கூட்டத்தில் பேசிய தமிழக முதல்வர் எடப்பாடி கே. பழனிசாமி, ஆசிரியர்கள் மற்றும் அரசு ஊழியர்களை விமர்ச்சித்துப் பேசியதைக் கண்டிக்கும் வகையில் இந்த ஆர்ப்பாட்டம் நடைபெற்றது.
ஜாக்டோ - ஜியோ மாவட்ட ஒருங்கிணைப்பாளர்கள் ஏ.டி. அன்பழகன், பா. ரவி,  சி. சரவணன் ஆகியோர் தலைமை வகித்தனர்.  
ஜாக்டோ - ஜியோ உயர்மட்டக்குழு உறுப்பினர் ப. அந்துவன் சேரல், தமிழக ஆசிரியர் கூட்டணி நிர்வாகி பார்த்தசாரதி, ஆசிரியர் மன்ற மாவட்டச் செயலாளர் ஜெக. மணிவாசகம், சத்துணவு ஊழியர் சங்க மாவட்டத் தலைவர் வி.தேன்மொழி, வருவாய்த்துறை அலுவலர் சங்க மாநிலச் செயலாளர் எல். பிரேம்சந்திரன், ஊரக வளர்ச்சித்துறை அலுவலர் சங்க மாநிலச் செயலாளர் அ. செளந்தரபாண்டியன் ஆகியோர் பேசினர். அரசு ஊழியர் சங்க மாவட்டப் பொருளாளர் பா.ராணி நன்றி கூறினார்.