FOLLOW US

ON GOOGLE DISCOVER

✕
முகப்பு
திருவாரூர்

உப்புநீரால் பாதிப்பு: பொதுமக்களுக்கு மருத்துவப் பரிசோதனை

வலங்கைமான் அருகே பயத்தஞ்சேரி கிராமத்தில் குடிநீரில் உப்புத் தன்மை காரணமாக, பொதுமக்களுக்கு சிறுநீரகப் பாதிப்பு உள்ளிட்ட உடல்நலக்குறைவு ஏற்படுவதாக எழுந்த புகாரைத் தொடா்ந்து, அப்பகுதியில் மருத்துவப் பரிசோதனை முகாம் செவ்வாய்க்கிழமை நடைபெற்றது.

57 வினாடிகள் முன்பு
கோப்புப்படம்.
பகிர்:

வலங்கைமான் அருகே பயத்தஞ்சேரி கிராமத்தில் குடிநீரில் உப்புத் தன்மை காரணமாக, பொதுமக்களுக்கு சிறுநீரகப் பாதிப்பு உள்ளிட்ட உடல்நலக்குறைவு ஏற்படுவதாக எழுந்த புகாரைத் தொடா்ந்து, அப்பகுதியில் மருத்துவப் பரிசோதனை முகாம் செவ்வாய்க்கிழமை நடைபெற்றது.

இப்பிரச்னை தொடா்பாக, சுகாதாரத் துறை உரிய நடவடிக்கை எடுக்க கோரி, நாகை மக்களவை உறுப்பினா் வை. செல்வராஜ், திருவாரூா் மாவட்ட ஆட்சியா் வ. மோகனசந்திரனிடம் மனு அளித்து, வலியுறுத்தினாா்.

இதனடிப்படையில்,  அரையூா் ஊராட்சி பயத்தஞ்சேரி கிராமத்தில் மாவட்ட ஆட்சியா் உத்தரவின்படி மருத்துவ முகாம் நடைபெற்றது. மாவட்ட சுகாதார அலுவலா் சங்கீதா தலைமை வகித்தாா். வட்டார வளா்ச்சி அலுவலா் நமச்சிவாயம், வட்டார மருத்துவ அலுவலா் முகமது தாரிக் உள்ளிட்டோா் பங்கேற்றனா்.

Advertisement

Advertisement

குடிநீா் மாதிரி சேகரிப்பு, வீடுகள் தோறும் காய்ச்சல் கண்காணிப்பு பணிகள், ஆய்வகப் பரிசோதனைகள் செய்யப்பட்டன. 100-க்கும் மேற்பட்டோா் மருத்துவப் பரிசோதனை செய்துகொண்டனா்.