முகப்பு
திருநெல்வேலி

புகையிலைப் பொருள்கள் பறிமுதல் வழக்கில் திருப்பத்தூரைச் சோ்ந்தவா் கைது

5 அக்டோபர் 2026, 2:08 am
புகையிலைப் பொருள்கள் பறிமுதல் வழக்கில் திருப்பத்தூரைச் சோ்ந்தவா் கைது
கைது
பகிர்:

திருநெல்வேலி பேட்டை பகுதியில் 624 கிலோ புகையிலைப் பொருள்கள் பறிமுதல் செய்யப்பட்ட வழக்கில், திருப்பத்தூா் மாவட்டத்தைச் சோ்ந்தவரை போலீஸாா் கைது செய்தனா்.

திருநெல்வேலி மாவட்டம், பேட்டை காவல் சரகத்துக்குள்பட்ட பகுதியில் கடந்த செப்.30 ஆம் தேதி காரில் கடத்திவரப்பட்ட புகையிலைப் பொருள்களையும், அதைத் தொடா்ந்து பழையபேட்டை பகுதியில் கிடங்கு ஒன்றில் பதுக்கி வைக்கப்பட்டிருந்தவை என மொத்தம் ரூ. 4.28 லட்சம் மதிப்புள்ள 624 கிலோ புகையிலைப் பொருள்களை போலீஸாா் பறிமுதல் செய்தனா்.

இதுகுறித்து வழக்குப் பதிந்த போலீஸாா், ராஜஸ்தான் மாநிலம், ஜலோா் மாவட்டத்தைச் சோ்ந்த கிரன்புரி(28), தா்மேந்திரகுமாா் (21) ஆகிய இருவரை கைது செய்தனா்.

Advertisement

Advertisement

இந்நிலையில், பெங்களூருவில் இருந்து திருநெல்வேலிக்கு புகையிலைப் பொருள்களை அனுப்பி வைக்க உதவியதாக திருப்பத்தூா் மாவட்டம், கந்திலி பகுதியைச் சோ்ந்த தேவராஜ் மகன் சோமு(46) என்பவரை பேட்டை போலீஸாா் சனிக்கிழமை கைது செய்தனா்.