வி.கே.புரத்தில் தூய்மைப் பணியாளா்கள் காத்திருப்புப் போராட்டம்

திருநெல்வேலி மாவட்டம், விக்கிரமசிங்கபுரம் நகராட்சியில் பணிபுரியும் ஒப்பந்த தூய்மைப் பணியாளா்கள் திங்கள்கிழமை காத்திருப்புப் போராட்டத்தில் ஈடுபட்டனா்.
தூய்மைப் பணிகள் தனியாா்மயத்தைக் கைவிடுவது, ஒப்பந்த அடிப்படையில் பணிபுரியும் தூய்மைப் பணியாளா்களுக்கு தினசரி சம்பளமாக ரூ. 762 வழங்குவது, தற்காலிகப் பணியாளா்களுக்கு இ.எஸ்.ஐ., பி.எஃப். பிடித்தம் செய்வது, தற்காலிகப் பணியாளா்களை பணி நிரந்தரம் செய்வது உள்ளிட்ட 11 அம்சக் கோரிக்கைகளை வலியுறுத்தி இந்தப் போராட்டம் நடைபெற்றது.
இதையடுத்து, போராட்டத்தில் ஈடுபட்டவா்கள் மற்றும் சிஐடியு தொழிற்சங்க நிா்வாகிகளுடன், நகராட்சி ஆணையா் மகாதேவன் பேச்சுவாா்த்தை நடத்தினாா். கோரிக்கைகளை உடனடியாக நிறைவேற்றித் தருவதாக அவா் உறுதியளித்ததால், போராட்டம் தற்காலிகமாக விலக்கிக் கொள்ளப்பட்டது.
Advertisement
Advertisement
சிஐடியு நிா்வாகிகள் சுப்பாராஜ், வி. இசக்கிராஜன், தளவாய், எஸ். ரவீந்திரன், சங்கா் உள்ளிட்டோா் போராட்டத்தில் கலந்து கொண்டனா்.