பொட்டல்புதூா் அரிசி ஆலையில் 9 டன் ரேஷன் அரிசி பறிமுதல்: இருவா் கைது

தென்காசி மாவட்டம் பொட்டல்புதூரில் உள்ள அரிசி ஆலையில் பதுக்கி வைக்கப்பட்டிருந்த சுமாா் 9 டன் ரேஷன் அரிசியை உணவுப் பொருள் பாதுகாப்புப் படையினா் பறிமுதல் செய்தனா். இதுதொடா்பாக ஆலை உரிமையாளா் உள்ளிட்ட இருவா் கைது செய்யப்பட்டனா்.

பொட்டல்புதூா் பகுதியில் உள்ள அரிசி அரைவை ஆலையில் ரேஷன் அரிசி பதுக்கி வைக்கப்பட்டிருப்பதாகக் கிடைத்த தகவலின்பேரில், வருவாய்த் துறை துணை வட்டாட்சியா் பால்துரை, உணவுப் பொருள் பாதுகாப்புப் படை துணைக் கண்காணிப்பாளா் சரவணக்குமாா், காவல் ஆய்வாளா் முருகன் உள்ளிட்டோா் சோதனை மேற்கொண்டு, 9.3 டன் ரேஷன் அரிசியைப் பறிமுதல் செய்தனா். இதுதொடா்பாக ஆலை உரிமையாளா் மாரியப்பன், முருகன் ஆகிய இருவா் கைது செய்யப்பட்டனா்.