அம்மா குழந்தை நல பரிசுப் பெட்டகம் அளிப்பு

செம்பருத்திவிளையில் உள்ள கோதநல்லூர் அரசு ஆரம்ப சுகாதார நிலையத்தில், அம்மா குழந்தை நல பரிசுப் பெட்டகம் வழங்கும் விழா திங்கள்கிழமை நடைபெற்றது.

தக்கலை வட்டார மருத்துவ அலுவலர் டாக்டர் அனீஸ் தலைமை வகித்தார். குமாரபுரம் பேரூராட்சித் தலைவர் அனிதா ஜெங்கின்ஸ் முன்னிலை வகித்தார். முட்டைக்காடு ஜவகர் வேளாண் கூட்டுறவு கடன் சங்கத் தலைவர் டி.ஜெங்கின்ஸ், கோதநல்லூர் ஆரம்ப சுகாதார நிலையத்தில் பிறந்த குழந்தைகளுக்கு பரிசுப் பெட்டகத்தை வழங்கினார்.

விழாவில் மருத்துவர்கள் லினு கிரேஷியா, நவீன் பிராங்க், அதிமுக வழக்குரைஞர் பிரிவு இணைச் செயலர் சௌந்தர்ராஜ்,பேரூராட்சி உறுப்பினர்கள் ராஜேஷ், லிசாண்டர், சுகாதார ஆய்வாளர்கள் மனோகரன், பீர் முகம்மது உள்பட பலர் பங்கேற்றனர்.