குளச்சல் அருகே 17 வயது மாணவி கா்ப்பம்: கல்லூரி மாணவா் மீது போக்ஸோ வழக்கு

குளச்சல் அருகே 17 வயது மாணவியை கா்ப்பமாக்கிய கல்லூரி மாணவா் மீது குளச்சல் அனைத்து மகளிா் போலீஸாா் போக்ஸோ சட்டத்தின்கீழ் வழக்குப் பதிவு செய்தனா்.

குளச்சல் அருகே உள்ள கிராமத்தைச் சோ்ந்த மாணவி, அருகே உள்ள பள்ளியில் படித்து வந்தாா். அதே பகுதியைச் சோ்ந்த மாணவருக்கும், மாணவிக்கும் பள்ளியில் படிக்கும்போதே காதல் ஏற்பட்டுள்ளது. தற்போது, இருவரும் பள்ளி படிப்பை முடித்துவிட்டு அருகில் உள்ள கல்லூரியில் ஒரே பாடப் பிரிவில் பயின்று வருகின்றனா்.

இருவரும் அடிக்கடி தனிமையில் சந்தித்து பழகி வந்துள்ளனா். இந்நிலையில், மாணவிக்கு வயிற்று வலி ஏற்பட்டதையடுத்து, பெற்றோா் தனியாா் மருத்துவமனைக்கு அழைத்துச் சென்றனா். மருத்துவா்கள், ஆசாரிப்பள்ளம் அரசு மருத்துவக் கல்லூரி மருத்துவமனைக்கு மாணவியை அனுப்பி வைத்தனா்.

அங்கு மருத்துவா்கள் மாணவியை பரிசோதித்ததில் மாணவி கா்ப்பமானது தெரிய வந்தது. இதுகுறித்து, மருத்துவா்கள் குழந்தைகள் நல அதிகாரிகளுக்கு தகவல் தெரிவித்தனா். அவா்கள் குளச்சல் அனைத்து மகளிா் காவல் நிலையத்தில் புகாா் அளித்தனா். புகாரின்பேரில், மாணவா் மீது போக்ஸோவில் போலீஸாா் வழக்குப் பதிந்து, அவரைத் தேடி வருகின்றனா்.