ஆலங்குளம், சங்கரன்கோவிலில் பரவலான மழை

தென்காசி மாவட்டம் ஆலங்குளம், சங்கரன்கோவில் ஆகிய பகுதிகளில் செவ்வாய்க்கிழமை மிதமான பெய்தது.

ஆலங்குளம் சுற்று வட்டாரப் பகுதிகளில் ஆண்டுதோறும் மழைக்காலங்களில் கிடைக்கும் மழைநீரை நம்பியே பல்வேறு பகுதிகளில் விவசாயப் பணிகள் நடைபெற்று வருகின்றன. இந்நிலையில், செவ்வாய்க்கிழமை மாலை முதல் இரவு வரை சீரான இடைவெளியில் இடி, மின்னலுடன் மிதமான மழை பெய்தது. இதனால், பல இடங்களில் மழை நீா் தேங்கியது. எனினும், பலத்த மழை எப்போது பெய்யும்; விவசாயப் பணிகளை என்று தொடங்கலாம் என விவசாயிகள் காத்திருக்கின்றனா்.

கோயிலுக்குள் தேங்கிய மழைநீா்: சங்கரன்கோவிலில் கடந்த 2 நாள்களாக வானம் இருண்டு காணப்பட்டதுடன், வெப்பம் தணிந்து குளிா்ந்த காற்று வீசியது. மேலும், காலை வேளைகளில் லேசான பனிப்பொழிவு இருந்தது.

இந்நிலையில் ,செவ்வாய்கிழமை மாலை 5.25 மணியளவில் திடீரென்று இடியுடன் கூடிய கனமழை பெய்தது. காற்றின் வேகம் குறைந்திருந்ததால் மாலை 7.25 மணி வரை 2 மணி நேரம் இடைவிடாமல் மழை நீடித்தது.

இதனால் சாலைகளில் தண்ணீா்பெருக்கெடுத்ததுடன், சாக்கடை வாருகால் நிரம்பி சாலைகளில் ஓடியது. தாழ்வான தெருக்களில் உள்ள வீடுகளுக்குள் தண்ணீா் புகுந்தது. மேலும், சங்கரன்கோவில் சங்கரநாராயணசுவாமி கோயிலில் அம்மன் சந்நிக்குள் மழைநீா்தேங்கியது. சுவாமி தரிசனம் செய்வதற்கு பக்தா்கள் சிரமப்பட்டனா். உடனடியாக, கோயில் நிா்வாகத்தினா் 5 மோட்டாா் மூலம் மழை நீரை வெளியேவற்றினா்.

தொடா் மழையால் மக்காச்சோளம், உளுந்து பயிரிட்ட விவசாயிகள், நெல் பயிரிட நாற்றுப் பாவியிருக்கும் விவசாயிகள் மகிழ்ச்சி அடைந்துள்ளனா்.